Оқушылардың жобалық қызметі аясында архив құжаттарымен жұмыс істеудің зерттеушілік дағдыларын қалыптастыру

Аңдатпа

Мақалада ғылыми білім мен педагогикалық тәжірибеге негізделген архивтік материалдармен жұмыс жасау кезінде білім алушылардың жобалау және зерттеу қызметін ұйымдастыру жүйесі сипатталған. Мектеп жобаларының ғылыми жетекшілері үшін өзекті болып табылатын жалпы білім беру ұйымдарында зерттеулерді жүргізудің әдістемелік тәсілдерін талдау ұсынылған. Жобалық жұмыстың құрылымы, сонымен қатар әртүрлі архивтік дереккөздерді – ресми құжаттардан бастап жеке хат алмасуға дейінгі мысалдар келтірілген. Архивтік сілтемелерді ресімдеу және зерттеулердің ғылыми сенімділігіне қойылатын талаптарға ерекше назар аударылады. Мақалада мектеп оқушыларын ақпаратты өз бетінше іздеуге және тарихи мұраға аялап қарауға тәрбиелеу мақсатында жобалау қызметінің басшыларына негізгі құзыреттерді дамытуға назар аударылады. Сонымен қатар архивтік құжаттардың көшірмелерін талдау, өзекті сұрақтарды қою және дайын түсініктемелерге сүйенбей дереккөздерді өз бетінше түсіндіруді қамтитын практикалық сабақтар форматында зерттеу жұмысының кезеңдерін модельдеуге назар аударылған. Оқу залының ережелері, электрондық құжат айналымы және әртүрлі жіктеу белгілері бойынша құжаттарды іздеу алгоритмін игеруді қоса алғанда, архив мекемелерінде білім алушылардың жұмыс сипаттары танылады. Қазақстан Республикасы Президенті Архивінің базасында өткізілетін «Менің отбасымның тарихы архив құжаттарында» байқауына қатысудың практикалық тәжірибесі негізінде отбасылық марапаттарды тарихи жәдігерлер ретінде талдау мүмкіндіктері көрсетілген.