Президентке жүгінуден Президенттің Жолдауына: мемлекет құрудың дискурстық практикалары
Кілт сөздер:
билік, дискурс, диалог, қоғам, мемлекет, Конституция, Президент, халыққа Жолдау, реформалар, суперпрезиденттік жүйе, күнделікті өмір, «Халық үніне құлақ асатын мемлекет»Аңдатпа
Мақала XVII–XVIII ғғ. Францияда халықтың жоғарғы билік органдарына жүгіну институтының қалыптасуына, қоғам мен билік арасындағы дискурсивті практикаларының пайда болуына, олардың мемлекеттік аппаратқа және күнделікті басқару тетіктерінің ықпалына арналған. Автор азаматтардың билікке жүгінуінің бастауларын ғана ашып қоймай, абсолютизммен генетикалық байланысы бар суперпрезиденттік мемлекеттік басқару жүйесінің кейбір элементтерін де айқындайды. Мақалада кеңестік партиялық аппараттың мемлекеттік басқару тетіктерін толықтай жұтып қоюына бастау болған, нәтижесінде тәуелсіз Қазақстанның басқару жүйесіне, билік пен қоғам арасындағы дискурсқа кері әсерін тигізген оқиғалар көрсетіледі. Осыған байланысты Қазақстан Республикасы Президенті ұсынған «Халық үніне құлақ асатын мемлекет» тұжырымдамасы Қазақстан Республикасы Конституциясының бірқатар маңызды қағидаларын қайтадан өзекті етіп қана қоймай, қоғам мен билік құрылымдарының өзара әрекеттесу мәдениетінің өзгеруіне түрткі болды. Азаматтардың жүгіну мәселелерімен қатар мақалада мемлекеттің бірінші тұлғасының өз халқына жүгінуі, жолдаулардың пайда болу тарихы, саяси мәні және т.б. мәселелер де қарастырылады.
Талқылау
Әзірге пікір жоқ.