Материалдарды жіберу

Авторларға арналған нұсқаулық

Жалпы талаптар

1. Журналда бұрын басқа басылымдарда жарияланбаған түпнұсқа мақалалар ғана жарияланады.
2. Мақалаға мәтіннің бірегейлігін тексеру туралы анықтама қоса беріледі, оның деңгейі кемінде 75 % болуы тиіс.
3. Барлық ғылыми мақалалар міндетті жасырын рецензиялаудан өтеді.
4. Ғылыми мақалалар тегін жарияланады.
5. Материалдарда мемлекеттік, қызметтік немесе коммерциялық құпияға жататын мәліметтер болмауы тиіс.
6. Мақалалар қазақ, орыс немесе ағылшын тілдерінде жарияланады.
7. Редакциялық алқа басылым бейініне сәйкес келмейтін, мазмұндау сапасы төмен немесе рәсімдеу талаптарына жауап бермейтін материалдарды жариялаудан бас тарту құқығын өзіне қалдырады.
8. Баспамен үлестес авторлардың ғылыми мақалалары әр нөмірдегі жарияланымдардың 70 %-ынан аспайды.

Жіберу. Мақала журнал сайтындағы жеке кабинет арқылы жіберіледі («Мақала жіберу» батырмасы). Платформаға көшкенге дейін материалдар journal.aprk@gmail.com мекенжайы бойынша қабылданды.

Көлемі. Мақала .doc, .docx немесе .rtf форматында. Көлемі (атауын, авторлар туралы мәліметтерді, аннотацияны, кілт сөздер мен библиографиялық тізімді қоспағанда) 2500-ден 7000 сөзге дейін. Көлем көп болса және қысқарту мүмкін болмаса, шешімді редакциялық алқа қабылдайды.

Мәтін форматы. Қаріп Times New Roman, кегль 14 (аннотация, кілт сөздер, әдебиеттер 14, кесте мәтіні 12), ені бойынша туралау, бірлік интервал, азат жол шегінісі 1 см, жиектер 2 см. Қайталанатын бос орындар мен артық жол үзілімдерін алып тастау қажет. Суреттер, кестелер, графиктер мен диаграммалар нөмірі мен тақырыбы көрсетіліп мәтінде беріледі (мысалы, «1-сурет. Суреттің атауы») және мақала көлемінің 20 %-ынан (кейбір жағдайларда 30 %-ынан) аспайды. Әр иллюстрация JPEG немесе TIFF форматында, 300 dpi жеке файлмен де ұсынылады.

Мақала құрылымы. Кіріспе (Introduction), Материалдар мен әдістер (Materials and methods), Нәтижелер (Results), Талқылау (Discussions), Қорытынды (Conclusions), Ескертулер (Notes), Әдебиеттер (References); бөлім атаулары курсивпен беріледі. Шолулар, рецензиялар, өмірбаяндар, құжаттық жарияланымдар үшін басқа құрылымға рұқсат етіледі.

Мақаланың құрамдас бөліктері:

1. ХҒТАР индексі (ерекше жағдайларда ӘОЖ), бірінші жол, сол жақ жиегі бойынша.
2. Мақала атауы (7-12 сөз) қазақ, орыс және ағылшын тілдерінде, қою қаріппен, кіші әріптермен, ортасында.
3. Автор(лар): аты, әкесінің аты, тегі толық, курсивпен; төменде жұмыс/оқу орны (толық), елі мен қаласы, лауазымы, ғылыми/академиялық дәрежесі, ғылыми атағы (бар болса), e-mail және ORCID. Барлық мәлімет үш тілде.
4. Аннотация 130-дан 300 сөзге дейін, қазақ, орыс және ағылшын тілдерінде (кегль 12). Шолулар, рецензиялар, өмірбаяндар, құжаттық жарияланымдар үшін аннотация болмауы мүмкін.
5. Кілт сөздер үш тілде (кегль 12): 12 сөзге дейін, үтірлі нүкте арқылы, соңында нүктесіз, маңыздылық дәрежесі бойынша.
6. Мақала мәтіні: тек курсивпен ерекшелеуге болады, қою қаріп пен астын сызуға болмайды.
7. Архивтік деректер: әдебиеттер тізімінің алдында жеке нөмірленген «Ескертулер» (Примечания / Notes) тізімі, кегль 12: құжаттың атауы (түпнұсқа тілінде), архивтің атауы (алғаш толық), қор, тізімдеме, іс, парақ нөмірлері. Мысалы: А. Толебаевтың естеліктері. Қазақстан Республикасы Президентінің Архиві (ҚР ПА). 122-Н қ. 1 т. 123 іс. 12 п.
8. Мәтіндегі сілтемелер жай жақшада: автордың тегі мен жылы, бет қос нүкте арқылы, мысалы (Алпысбаева 2020: 15); бір автордың бір жылғы бірнеше еңбегі әріптермен ажыратылады: (Алпысбаева 2001а: 15). Тегі мен жылдың арасына үтір қойылмайды.
9. Әдебиеттер тізімі әліпбилік тәртіппен (кегль 12), тек мәтінде сілтеме жасалған дереккөздер; алдымен ағылшын тіліндегі, содан кейін қазақ және орыс тілдеріндегі жарияланымдар; ГОСТ 7.1-2003 бойынша рәсімделеді.
10. References: сол тәртіппен романизацияланған тізім: автор(лар), жыл, транслитерацияланған атауы (курсивпен), дереккөз атауы, шығу деректері ағылшын тілінде, соңында (in Kazakh) немесе (in Russian). Транслитерация: translit.ru («МВД» нұсқасы), қазақ мәтіні үшін qazlat.kz.
11. Авторлар туралы мәліметтер: аты-жөні толық, лауазымы, ғылыми/академиялық дәрежесі, ғылыми атағы, мекеменің толық атауы, мекенжайы, индексі, байланыс деректері, e-mail.

Редакция стилін, емлесін және тыныс белгілерін өңдеу құқығын өзіне қалдырады.