Ж. Шаяхметовтың зейнетке шыққаннан кейінгі өмірі

Аңдатпа

Мақала Қазақстан Компартиясы Орталық Комитетінің бірінші хатшысы (1946–1954), КСРО Жоғарғы Кеңесі Ұлттар Кеңесінің төрағасы (1950–1954) Жұмабай Шаяхметов өмірінің қызметтен кеткеннен кейінгі және зейнетке шыққан кезеңінің соңғы жылдарына арналған. Н. Бурденко атындағы нейрохирургия институтында ауыруымен, операциялармен және емдеумен байланысты өмірінің Мәскеу кезеңі (1955– 1964) зерттеледі, партияның ХХ съезіне делегат ретінде қатысуы және зейнеткерлікке шығуы және 1964 жылы ақпанда әйелі қайтыс болғаннан кейін Шаяхметовтың отанына оралуы, кейінгі емделуі, қарым-қатынасы, Алматыдағы жылдары (1964–1966), отбасы мен бұрынғы әріптестері және 1966 жылы 17 қазанда өмірден өтуі туралы ақпараттар қамтылған. Мәтін архивтік және отбасылық материалдарға, ашық дереккөздерден алынған құжаттарға және мақала авторы ұзақ жылдар бойы Жұмабай Шаяхметовтың балаларымен, туған-туыстарымен және достарымен әңгімелесу жазбаларына негізделген.