Қазақстан Республикасының Президенттік орталығының электронды фотодокументтерімен жұмыс істеу тәжірибесі

Аңдатпа

Мақалада Қазақстан Республикасының Президенттік орталығындағы электрондық фотоқұжаттармен жұмыс істеу теориясы мен практикасы қарастырылады, оларды тұрақты сақтауға іріктеу, сипаттау және ресімдеу мәселелері баяндалады. Мақалада келесі сұрақтар қойылды: жаңа тарих бойынша дереккөздердің жаңа түрлері ретінде электрондық фотоқұжаттармен жұмыс істеу мәселелері; тұрақты сақтауға электрондық фотоқұжаттарды іріктеу бойынша жалпы және ерекше критерийлер; электрондық фотоқұжаттарды аннотациялау, сондай-ақ, оларды ресімдеу мәселелері. Зерттеу материалы ретінде Қазақстан Республикасының Президенттік орталығының 2003 жылдан бастап жинақталған фотосуреттері алынған. Мақалада автордың электронды фотоқұжаттарды жинақтау және сипаттау бойынша практикалық жұмысында кездескен проблемалары көрсетілген. Электрондық фотоқұжаттармен жұмыс істеуде бірыңғай әдіснамалық тәсілдерді әзірлеуді талап ететін бірқатар сұрақтар қойылды. Қазақстан Республикасының архивтік практикасында электрондық фотоқұжаттармен жұмыс жасау әдістемесі әлі қалыптасып келе жатқан салыстырмалы түрде жаңа бағыт болып табылады, сондықтан құжаттардың осы санатымен жұмыстың барлық аспектілерін регламенттеу қажет.