Еліміздің Мемлекеттік егемендігі туралы Декларация және оның тәуелсіз Қазақстанның қалыптасуы мен дамуындағы рөлі
Кілт сөздер:
Мемлекеттік егемендік, Декларация, Конституция, демократия, құқықтық мемлекет, тәуелсіздік, ұлттық саясат, құқықтар, Қазақстан тарихыАңдатпа
Мақала 1990 жылы 25 қазанда қабылданған Қазақ КСР-інің Мемлекеттік егемендігі туралы декларациясына тәуелсіз мемлекеттің қалыптасуындағы тарихи, құқықтық және саяси маңызы тұрғысынан кешенді талдау жасауға арналған. Зерттеу барысында Декларацияның конституциялық құжат ретіндегі рөлі, егемендік идеясының орнығуына түрткі болған саяси, экономикалық және идеологиялық алғышарттар, сондай-ақ, сол кезеңдегі ұлтаралық қатынастар мен тіл саясаты қарастырылады. Мақалада Декларацияның адам құқықтарын қорғау, демократиялық мемлекет қалыптастыру, билік тармақтарының бөлінісі және халықты ұлттық байлықтың иесі деп тану жөніндегі нормаларына, сонымен қатар олардың қазіргі Конституция мен ұлттық заңнамаға ықпалына ғылыми негізделген талдау жасалған. Декларация Қазақстандағы қоғам мен мемлекеттің тұрақты дамуының іргелі құқықтық және саяси құралы ретінде бағаланады.
Талқылау
Әзірге пікір жоқ.