Ұлт ұстазы және оқу ісі (ҚР Президенті Архивінің құжаттары негізінде)

Аңдатпа

Мақалада ҚР Президенті Архивіндегі құжаттарды талдау негізінде жазылған Ахмет Байтұрсыновтың білім саласын дамытуға қосқан үлесі айтылады. Автор архив құжаттарына сүйене отырып, өзінің білім мен ғылымға деген көзқарастарының эволюциясын бақылап, кеңестік дәуірдегі бұл ойлардың іс жүзінде жүзеге асу барысын да көрсетеді. Автор архив құжаттарын 3 топқа жіктеуді ұсынады. Бірінші топтың құжаттары Ахмет Байтұрсыновтың 1917–1929 жж. өмірі мен шығармашылығына қатысты болса, екінші топқа 1929–1938 жж. аралығын қамтитын саяси қуғын-сүргінге байланысты құжаттар жатады. Бұл құжаттардың ішінде ұзақ жылдар бойы зерттеушілер үшін жабық және «құпия» санатында сақталған ІІХК қабырғасында құрылған архивтік қылмыстық ісі бар екенін айта кеткен жөн. Ал үшінші топқа 1960–2020 жж. аралығындағы А. Байтұрсыновтың саяси ақталуына қатысты құжаттар кіреді.