Қазақстан халқы Ассамблеясы: эволюция және даму болашағы (құрылуының 30 жылдығына)

Аңдатпа

Мақалада Қазақстан Республикасы Президентінің жанындағы консультативтік-кеңесші орган ретінде Қазақстан халқы Ассамблеясының қызметі талданады, Ассамблея қызметінің негізгі бағыттары ашылады. 1995 жылы құрылған Ассамблея полиэтникалық қоғамда тұрақтылық пен этносаралық келісімді сақтау мәселелерін талқылауға арналған алаңға айналды. «Бірлік – әралуандықта», «біз әралуандымыз – біз теңбіз» қағидаттарын ілгерілету Ассамблеяның қоғамдық құрылымдарының әлеуметтік жобалары арқылы жүзеге асырылады. Бұл еріктілікті, қайырымдылықты дамытуға, жастарды ғылымға, білімге, көшбасшылық бағдарламаларға тартуға, мемлекеттік тілді қолдану аясын кеңейтуге ықпал етеді. Мақалада Ассамблеяның қазіргі кезеңдегі қоғамдық құрылымдарының қол жеткізген жетістіктері мен негізгі бағыттары көрсетілген.