Рецензенттерге

Рецензиялау тәртібі

«Жаңа Архив» журналында екі жақты жасырын рецензиялау қолданылады: рецензент автордың атын білмейді, автор рецензенттің атын білмейді.

Рецензиялауға шақыру электрондық поштаға жіберіледі. Оны журнал сайтындағы жеке кабинетте қабылдауға немесе қабылдамауға болады.

Рецензент нені бағалайды

тақырыптың журнал бағытына сәйкестігі;
ғылыми жаңалығы және тұжырымдардың негізділігі;
архив құжаттарымен жұмыс пен сілтемелердің дұрыстығы;
мәтіннің құрылымы мен тілі.

Мерзімі

Рецензия шақыру қабылданған күннен бастап 30 күнтізбелік күн ішінде беріледі. Рецензия нысаны журнал сайтында толтырылады.

Шешім

Рецензент мынадай ұсыныстардың бірін береді: қабылдау, түзетуден кейін қабылдау, қайта рецензиялауға жіберу, қабылдамау. Қорытынды шешімді редакциялық алқа қабылдайды.