Documentolog және Directum мысалында электрондық құжат айналымы жүйесін талдау

Аңдатпа

Мақалада жасанды интеллект технологияларымен біріктірілген электрондық құжат айналымы жүйелерінің (ЭҚАЖ) дамыту мен енгізу процестеріне Documentolog GL қазақстандық компаниясы мен оның Documentolog AI Platform жүйесі мысалында кешенді талдау жүргізіледі. Қарастырылып отырған шешім экономиканың мемлекеттік және жеке секторларындағы құжат айналымы процестерін автоматтандыру мен интеллектуалдандыруға елеулі үлес қосады. Зерттеудің өзектілігі Қазақстан Республикасында жүзеге асырылып жатқан импортты алмастыру саясатына және экономикалық тәуелсіздікті нығайту мен ақпараттық қауіпсіздікті қамтамасыз етуге бағытталған ұлттық ақпараттық технологиялық жобаларды дамыту стратегиясына негізделген. Шетелдік электрондық құжат айналымы жүйелеріне тәуелділікті төмендету және отандық шешімдердің бәсекеге қабілеттілігін арттыру жағдайында жасанды интеллектке негізделген құжаттарды басқару жүйелерін талдау мен оңтайландырудың маңызы арта түсуде. Зерттеу жасанды интеллект технологияларын құжат айналымын басқару саласында қолдануға деген қызығушылықтың артуына, ЭҚАЖ-ін жетілдіруде интеллектуалдық шешімдердің рөлінің күшеюіне, сондай-ақ басқарушылық тиімділікті арттыру мақсатында ұлттық цифрлық тәжірибеде жасанды интеллектпен біріктірілген жүйелерді енгізу практикасын зерделеу қажеттілігіне байланысты негізгі факторларды қамтиды. Отандық AI платформасы Documentolog пен ресейлік AI жүйе сі Directum-ның функционалдары салыстырмалы талдау жүргізілді.