Авторларға арналған нұсқаулық
1. Қолжазбаны ұсыну
«Жаңа Архив» ғылыми-әдістемелік журналында жариялау үшін қолжазбаларды қабылдау (файлдардың рұқсат етілген форматтары – .doc, .docx және .rtf.), сондай-ақ редакцияның, авторлар мен рецензенттердің өзара іс-қимылы тек журналдың электрондық редакциялық жүйесі (Open Journal Systems) арқылы жүзеге асырылады.
Материалды ұсыну үшін авторға Жүйеге кіру немесе Тіркелу қажет (Материал жіберу бөлімінде).
Материалды ұсынуды бастамас бұрын авторға журнал сайтында орналастырылған Журналдың редакциялық саясатымен және Жарияланым этикасымен танысу ұсынылады.
Қолжазба келіп түскен күннен бастап жеті күн ішінде редакция электрондық платформа арқылы авторға келіп түскен күні мен тіркеу нөмірі көрсетілген қолжазбаның алынғаны туралы хабарлама жібереді.
Редакциялық процестің барлық кезеңдерін (қолжазбаны ұсыну, рецензиялау, редакциялық өңдеу, шешім қабылдау, мақаланы жариялау) автор(лар) Журналдың веб-сайтында қадағалай алады.
2. Түпнұсқалыққа тексеру
Келіп түскен қолжазбалар «Антиплагиат» жүйесінде мәтіннің түпнұсқалығына тексеруден өтеді.
Мақала түпнұсқалығының ең төменгі көрсеткіші кемінде 75% болуы тиіс. Авторлар дұрыс дәйексөз келтіруге, пайдаланылған дереккөздерге сілтемелерді рәсімдеуге және авторлық құқықтың сақталуына жауапты болады.
Егер түпнұсқалық көрсеткіші белгіленген шектен төмен болса, редакция қолжазбаны рецензиялауға жібермей қабылдамауға құқылы.
3. Бастапқы редакциялық сараптама
Қолжазбаны бастапқы тексеру мақаланың мыналарға сәйкестігін бағалауды қамтиды:
- Журналдың тақырыбы мен бейініне,
- құрылымы мен рәсімделуіне қойылатын талаптарға,
- жарияланым этикасының қағидаттарына.
Көрсетілген талаптарға сәйкес келмейтін қолжазбалар авторларға пысықтауға қайтарылуы не рецензиялауға жіберілмей қабылданбауы мүмкін.
4. Рецензиялау
Бастапқы сараптамадан сәтті өткен қолжазбалар екі жақты «жасырын» рецензиялау (Double-blind peer review) қағидаты бойынша тәуелсіз рецензиялаудан өтеді.
Рецензияны дайындау мерзімі – рецензент қолжазбаны алған күннен бастап он төрт күн. Мерзімді ұзарту қажет болған жағдайда редакция қараудың жаңа мерзімдерін келіседі.
5. Рецензиялау нәтижелері бойынша шешім қабылдау
Жариялау, пысықтау қажеттілігі немесе қолжазбаны қабылдамау туралы түпкілікті шешімді бас редактор рецензенттердің қорытындыларын, мақаланың Журнал талаптары мен редакциялық саясатқа сәйкестігін, сондай-ақ редакциялық алқа мүшелерінің ұсынымдарын ескере отырып қабылдайды.
Редакция қолжазба қарауға қабылданған күннен бастап 4-5 апта ішінде электрондық платформа арқылы авторға рецензиялау нәтижелері туралы хабарлайды. Автор(лар)ға мақаланың жариялауға қабылданғаны, пысықтау қажеттілігі не жариялаудан бас тартылғаны туралы ресми хабарлама жіберіледі.
6. Қолжазбаны пысықтау
Егер мақала пысықтауға жіберілсе, редакция авторға рецензенттердің ескертулері мен ұсынымдарын береді.
Егер редакциямен өзге мерзім келісілмесе, автор ескертулерді алған күннен бастап он күн ішінде түзетілген қолжазбаны ұсынуға міндетті.
Қайта рецензиялау қажет болған жағдайда түзетілген қолжазба енгізілген өзгерістердің толықтығы мен дұрыстығын тексеру үшін рецензенттерге жіберіледі.
Егер пысықталған қолжазба редакциямен келісілген ұзартусыз белгіленген мерзімде ұсынылмаса, ол кейіннен келіп түскен кезде жаңадан ұсынылған мақала ретінде қаралады және белгіленген қарау рәсімінен өтеді.
7. Мақаланы редакциялық дайындау және жариялау
Мақаланың жариялауға қабылдануы оның Журналдың келесі нөмірінде міндетті түрде орналастырылатынын білдірмейді. Редакция тақырыптық жоспарлауды, нөмірдің құрылымын және баспа процесінің ұйымдастырушылық ерекшеліктерін ескере отырып, жариялау кезектілігін өзгертуге құқылы.
Редакция мақала мәтініне редакторлық және стилистикалық өзгерістер енгізуге, техникалық және тілдік қателерді түзетуге, сондай-ақ қажет болған жағдайда материалды қысқартуға құқылы. Мұндай өзгерістер мазмұнды, ғылыми қорытындыларды және авторлық ұстанымды бұрмаламауы тиіс.
Рецензиялау және редакциялық өңдеу аяқталғаннан кейін редакция қолжазбаның түпкілікті нұсқасын қабылдаған күн мақаланың журналдың кезекті нөміріне келіп түскен күні болып есептеледі.
Ұсынылатын материалдарға қойылатын талаптар
Мақаланы редакцияға жіберу кезінде автор мыналарды растайды:
- - материал Мақалаларды рәсімдеу ережелері бөлімінде сипатталған талаптарға сәйкес келеді;
- қолжазба ғылыми материалдарды рәсімдеуге қойылатын журнал белгілеген талаптарға сәйкес дайындалған;
- ұсынылған материал бұрын жарияланбаған және қазіргі уақытта басқа ғылыми басылымда жариялау үшін қаралмайды;
- барлық библиографиялық сілтемелер мен пайдаланылған дереккөздер туралы мәліметтер дұрыстығы, дәлдігі және толықтығы тұрғысынан тексерілген;
- кестелердің, суреттердің және өзге де иллюстрациялық материалдардың тиісті нөмірлері мен атаулары немесе жазулары бар;
- құқықтары үшінші тұлғаларға тиесілі фотосуреттерді, деректер жиынтықтарын және басқа да материалдарды пайдалануға және жариялауға қажетті рұқсаттар алынған.
Құпиялылық туралы мәлімдеме
Журнал сайтында тіркелу және оны пайдалану кезінде ұсынылған дербес деректер, оның ішінде авторлардың аты-жөндері мен электрондық пошта мекенжайлары тек редакциялық-баспа процесін ұйымдастыру, қолжазбаларды қарау және авторлармен өзара іс-қимылды қамтамасыз ету мақсатында пайдаланылады.