Ұлы Отан соғысы кезіндегі Қазақстан эвакогоспитальдері (Қостанай облысы бойынша)

Аңдатпа

Мақалада Ұлы Отан соғысы жылдарында Қазақстанның тыл аймағы ретіндегі стратегиялық маңызы, соның ішінде Қостанай облысында құрылған эвакуациялық госпитальдердің қызметі талданады. Кеңес Одағының батыс өңірлерінен көшірілген әскери-медициналық мекемелерді ұйымдастыру, оларды материалдық-техникалық тұрғыда қамтамасыз ету, кадрлық ресурстарды жұмылдыру және жергілікті тұрғындардың атсалысуы нақты мұрағаттық деректер мен тарихи құжаттар негізінде сипатталады. Зерттеу барысында госпитальдерде еңбек еткен медицина қызметкерлерінің жанқиярлық еңбегі мен кәсіби біліктілігі, сондай-ақ ауыл тұрғындары мен балалардың жаралы жауынгерлерге көрсеткен көмегі отансүйгіштік пен халық бірлігінің айқын көрінісі ретінде қарастырылады. Мақалада эвакогоспитальдерді көшіру үдерісі, медициналық көмекті ұйымдастырудың ерекшеліктері, тыл мен майдан арасындағы үйлесімді байланыс, сондай-ақ қоғам мен мемлекеттік құрылымдардың өзара әрекеттесу тетіктері кеңінен қарастырылып, Қостанай облыстық тарихи-өлкетану музейінің қорындағы фото құжаттармен толықтырылған. Бұл зерттеу Қазақстандағы соғыс жылдарындағы медициналық қызметтің даму үрдістерін ашып көрсетуге және әскери тарихтың өзекті мәселелерін зерделеуге елеулі үлес қосады.