Қазақстан Республикасында биліктің біртұтастығы мен бөлінуін қамтамасыз етудің конституциялық негіздері
Кілт сөздер:
заңнама, Конституция, Конституциялық Сот, Парламент, өкілеттік, Үкімет, Президент, билікті бөлу, сот билігіАңдатпа
Мақалада 2022 жылы жүргізілген конституциялық реформалардан кейінгі Қазақстан Республикасындағы билікті бөлу қағидасының мәні мен оның конституциялық тәжірибеде іске асырылуы қарастырылады. Осы контексте қолданыстағы Конституция нормалары талданып, қол жеткізілген оң нәтижелер анықталған. Сыни тұрғысынан автор Үкіметке уақытша заң күші бар қаулылар қабылдауға құқық беретін «делегатталған заң шығару» институтын және Парламенттің заң шығару өкілеттігін шектейтін Конституцияның 61-бабын зерттейді. Билікті бөлу қағидасын бұзатын басқа да кемшіліктер анықталған: барлық билік құрылымдарындағы жетекші мемлекеттік лауазымдарға тағайындау бойынша кадрлық өкілеттіктердің Мемлекет басшысының құзырында қалуы, Парламенттің шектелген өкілеттігі мен парламенттік бақылау формаларының тиімді еместігі, саяси партиялардың Үкіметті қалыптастыруға және әлеуметтік-экономикалық бағытты айқындауға демократиялық қатысуының болмауы, Үкімет пен оның мүшелерінің қызмет тиімділігін бағалау құқықтық механизмдерінің жеткіліксіздігі. Осы негізде конституциялық заңнаманы жетілдіру бойынша ұсыныстар берілген.
Талқылау
Әзірге пікір жоқ.