Ерте сөнген жұлдыз (Н. Нұрмақовтың 130 жылдығына)

Аңдатпа

Мақала белгілі мемлекеттік қайраткер Нығмет Нұрмақовтың қоғамдық-саяси қызметін зерттеуге арналған. Қазақстанның экономикасын, сот, прокуратура, юстиция жүйелерін қалыптастыру және дамыту, мемлекеттік аппаратты жергіліктендіру мен ұлттық кадрларды дайындау, астананы Орынбордан Қызылордаға, Қызылордадан Алматыға көшіру жолындағы Н. Нұрмақовтың атқарған рөлі мен үлесі архив құжаттарының негізінде жан-жақты талданған. Н. Нұрмақовтың газет-журнал беттерінде жарық көрген мақалалары мен баяндамаларында өз заманының өзекті мәселелерін ұлт мүддесі тұрғысынан өткір қойып, ойын жасқанбай ашық айта білгені нақты дәйектер арқылы көрсетілген. 1937 жылы репрессия құрығына 42 жастағы Н. Нұрмақовпен бірге 75 жастағы әкесі Н. Тәукебаев, інісі Қ. Нұрмақов ілініп, қолдан жасалған айыптардың негізінде жазықсыздан-жазықсыз атылып кеткендерін көрсеткен. Сондай-ақ, әйелі З. Нұрмақованың да қуғын-сүргін құрбаны болғаны зерделенген.