Стратегиялық менеджмент және форсайт технологиялары ұйымды дамытуды басқарудағы негізгі қабілеттер

Аңдатпа

II Архившілер Конгресінің қатысушылары қарастырып отырған негізгі бағыттардың бірі – «Архивтерді институционализациялау және тиімді басқару». Бұл тақырыптың өзектілігі архив мекемелерінің жұмысын жетілдірумен байланысты. Мақалада стратегиялық менеджмент және форсайт-технологияларының ұғымы, оларды архив ісінде қолданудың артықшылықтары қарастырылады. Архивтер саласындағы өзгерістерге айтарлықтай әсер ететін төрт негізгі сын-қатер анықталып, олар архивтер алдында жаңа міндеттер қоятыны талқыланады. Архив саласында белсенді дамып жатқан негізгі трендтер мен жақын болашақта оған әсер ететін негізгі технологиялар қарастырылады. Архивтерге болашақ үрдістерді алдын ала болжауға ғана емес, сонымен қатар сыртқы ортаның өзгерістеріне икемді жауап беретін ұзақ мерзімді стратегияларды қалыптастыруға мүмкіндік беретін форсайт-технологияларын қолдану ұсынылады. Бұл архивтерді басқарудың инновациялық тәсілі, оларды тарихи мұраны сақтау мен болашақ ақпараттық қоғамды қалыптастыруда маңызды рөл атқаруды қамтамасыз етеді.