Рецензенттерге
РЕЦЕНЗИЯЛАУДЫ ҰЙЫМДАСТЫРУ ЖӘНЕ ЖҮРГІЗУ
Қарауға қабылданған барлық қолжазбалар екі жақты «жасырын» рецензиялау (Double-blind peer review) қағидаты бойынша тәуелсіз рецензиялаудан өтеді, бұл ретте автор туралы мәліметтер рецензентке, ал рецензент туралы мәліметтер авторға ашылмайды.
Сараптамалық бағалау үшін қолжазба екі тәуелсіз рецензентке – мақала жататын зерттеу саласында тиісті біліктілігі мен құзыреттері бар ғалымдарға немесе мамандарға жіберіледі.
Рецензенттер құпиялылықты сақтауға, сараптамалық бағалаудың объективтілігін қамтамасыз етуге және қорытындының бейтараптығына әсер етуі мүмкін ықтимал мүдделер қақтығысы туралы редакцияға хабарлауға міндетті.
Рецензияны дайындау мерзімі рецензент қолжазбаны алған күннен бастап он төрт күнді құрайды. Мерзімді ұзарту қажет болған жағдайда редакция қараудың жаңа мерзімдерін келіседі.
Рецензияда қолжазбаның дәлелді бағасы, анықталған артықшылықтары мен кемшіліктері, нақты ескертулер мен ұсынымдар, сондай-ақ жариялау мүмкіндігі туралы қорытынды болуы тиіс.
Егер рецензиялау нәтижелері бойынша мақала пысықтауға жіберілсе, редакция авторға рецензенттердің ескертулері мен ұсынымдарын береді.
Егер редакциямен өзге мерзім келісілмесе, автор ескертулерді алған күннен бастап он күн ішінде түзетілген қолжазбаны ұсынуға міндетті. Егер жекелеген ұсынымдар қабылданбаса, автор мұндай шешімнің себептерін негіздейді.
Қайта рецензиялау қажет болған жағдайда түзетілген қолжазба енгізілген өзгерістердің толықтығы мен дұрыстығын тексеру үшін рецензенттерге жіберіледі.
Егер пысықталған қолжазба редакциямен келісілген ұзартусыз белгіленген мерзімде ұсынылмаса, ол кейіннен келіп түскен кезде жаңадан ұсынылған мақала ретінде қаралады және белгіленген қарау рәсімінен өтеді.
Рецензия редакция бекіткен нысан бойынша рәсімделеді. Нысанды қажетті тілде жүктеп алып, толтырыңыз және рецензиямен бірге жүйеге жүктеңіз (рецензенттің жеке кабинетіндегі «Рецензиялау» бөлімі).